قل هو من عند أنفسكم وليس من سايكس بيكو
1-التمزق في الفكر وليس في الأرض:
تربينا على خرافة أن اتفاقية سايكس بيكو هي التي قسَّمَتنا، وكم مرة قلت: قل هو من عند أنفسكم، وكم شكوت الغلو في التكفير والتبديع والتفسيق ومن التلاعن في الجنازات والتنابز بالألقاب بين الجماعات الدينية المحدثة في الفكر الديني المتجاوز الذي قام على إعادة النظر في النص وتجاوز المذاهب المتبوعة، وبعد ذلك أجد لكم نصين من الاتفاقية تأملوهما ثم ولوموا أنفسكم.
2-هل تعلم أن اتفاقية سايكس بيكو اشترطت دولة عربية موحدة:
وبعد مراجعتي لشروط الاتفاقية فوجئت أن شرطها الأول هو دولة عربية مستقلة أو اتحاد دول عربية تحت سيادة زعيم عربي واحد، وأفاجأ بالمادة الأولى من الاتفاقية تكذب خرافة أن فرقتنا بسبب سايكس بيكو، لماذا خدعنا كل هذه السنين، من منا سأل نفسه هل قرأت الاتفاقية؟!
3-البندان الأول والثاني من الاتفاقية:
وهذان البندان الأول والثاني من الاتفاقية: إن فرنسا وبريطانيا العظمى مستعدتان للاعتراف بدولة عربية مستقلة أو اتحاد دول عربية تحت سيادة زعيم عربي، في المناطق (أ) و(ب) المبينة على الخريطة المرفقة …، أما البند الثاني: يجوز إنشاء دولة عربية مستقلة أو اتحاد دول عربية في المناطق المشار إليها أعلاه، ويكون من المتفق عليه أن فرنسا وبريطانيا ستنفذان، ضمن تلك الدولة أو الاتحاد…
الروح المسافرة
عبد ربه وأسير ذنبه
أ.د وليد مصطفى شاويش
عَمَّان أرض الرباط
16- محرم -1447
12-7-2025
ولو أني من أنصار الخلافة الإسلامية وليس القومية العربية…
بس مين هو اللي رح يكون زعيم هالأمة؟!
نحنا يا دكتور عم نعيش أزمة داخلية في الوعي والفكر العربي.. ولو كنا تحت دولة واحدة رح يظل التمزق موجود في الأمة… البنية الفكرية يلي نحنا بنتبناها مليئة بالانقسام الفكري والديني والايدولوجي، عنا أزمة في الهوية والانتماء للأسف…
عايشين في مستنقع التبعية والاستبداد وفوق هيك النخب السياسية والثقافية يلي المفروض تكون على مستوى عالي من الحنكة والذكاء للأسف هي فاشلة حتى بالخطاب فما بالك بالتنفيذ…
ومن واقع الحال يلي عم بنعيشه،
نحنا مش مناح مع بعض والله، اذا شخص صار أعلى من شخص على مستوى التعليم أو المال او المنصب بيتكبر وبيتجبر وبجيّر كل المنافع والواسطات لمعارفة وأقاربه، واللي مو لاقيين حدا يدعمهم تسحقهم الحياة، وهدول نفسهم بدهم يأسسوا حياة ويبنوا بيوت كرمال هيك رح تلاقي دوري القروض بين المرأة والرجل، وأنا بحكي هون عن الأساسيات كتعليم الأبناء وليس الرفاهيات، أو بتلاقي شخص من عشيرة معينة بيتكبر على شخص من عشيرة صغيرة لانهم أكتر قال وكأنه كترتهم ما اجت من ربنا، أو ممكن أهل يرفضوا ياخدوكي لابنهم لانك مش طبيبة متله وكأن الزواج متعلق بالشهادات وليس بالمعاملة والمودة… احكيلك خلال حرب غزة قديش سمعنا كلمة بلاجكة واردنيين أصل والفلسطينيين في الأردن ابناء ارض من 1948، ناهيك عن كلمة السوريين دمروا اقتصاد الأردن وغيره وغيره… باختصار نحنا مش مناح مع بعض “لا على التعميم لانه الخير بظل ولو بنسبة قليلة”، بس الغالب هو العنصرية والهمجية ووووو…
اذا انا البسيطة التي لا تعرف 0.1% مما تعرف روحي مسافرة “ولا شيء يعجبني” فما بالك بالوليد الذكي الحاذق المُفكّر… كلما زادت المعرفة زاد الشقاء… لكن عندما نتذكر رحمة الله وعدالته تُثلج الصدور ببرد اليقين…
دائما بخرج عن السياق وبربط المواضيع…
ثرثارة أنا…